Über uns

Heimatverein Westerscheps e. V.

Theatergruppe


Dat Späälköppel

At de Schoolmester ut de lütje Dörpsschool in Scheps mit een poor Kinner
een lüttjet Theoterstück inüvt hett för de Soldoten, de no den ersten
Weltkrieg no Huus hinkeemen, wull he de son bäten Ünnerholung bäen. De
schulln mol wor lachen un Spoß hebben, dat schlechte, wat se beläävt
harrn, son bäten vergäten. Mit een por Lü ut Dörp is rund üm dat Theoter
een Fest up de Been stellt wuurn, wat dat bit vandogen gäben deit: de
Arntefier.

De Schoolmester hett sick säker kien Gedanken doröver mokt, wat ut sien
Infall mit das Theoter mol weern kunn. Dat Theoter is domols good
ankomen, de Lü weern begeistert. Wat geef dat denn uk vääl anneres?
Fernsehen geeft noch nich und een Telefon harr doch noch nümms.

Ruckzuck is rund üm dat Fest de "Heimatvereen Vergnögde Goodheit" grünnt
wurrn. De Arntefier is van dor up an ümmer in Harvst, wenn de Arnt
inbrocht weer, un de Lü no de sture Arbeit upt Land een bäten Tied
harrn, fiert wurrn un warrd bit vandogen noch fiert. Dorto üüvt dat
Späälköppel - wecket to den Heimatvereen mit tohörn deit - jedet Johr
een neet Theoterstück in.

Upföhrt weerd de Stücke at eerste Upföhrung up de grode ammersche
Arntefier Anfang September. Dorno find noch Upföhrungen up den Wurnbarg
statt. Meistieds is dat in November. Wenneer dat genau is, mit Dotum un
so, kann man denn in de Zeitung utfindig moken. Wenn ji kien Blatt
kriegen dot, de Späälboos wett över de Termine Bescheed.

Jetzt Mitglied werden

(In Kürze mit nur einem Klick möglich.)